ئهمه تهنیا پێشهکیه بۆ شێعرێکی درێژتر
بهشی یهک
شاژنێک ونه له خهڵوهتی شاعیرێکدا
سیگاری بههمهنی سهرڕهشی من و
پیپی لا لێوی تۆش
جێی ناگرێتهوه
بارانێکی خوڕ لهو دیو پهنجهرهشهوه
له شهقامیشدا
له ئاسمانی شاریشدا
له باخهڵی خواشدا
باسی چی دهکهم ههناسهکهم ؟
خۆت چۆنی کچی تاران ؟
جێ دهمێک به شێداری شووشهوه جێما
که خهونه ، خهون
وه من له ڕۆژی جهژندا چ مهردانه پێکهنیم
که تاڵه پێکهنین
بگریه ها بگریه تا
دهمارهکانی زهوی له خهڵوهتی قژا
چ ئهوین
تاڵه تاڵ
ئهم ئارهقه که وهک شێری سهگ سهگم دهکا
منێک له نهورۆزی ئاگرا چ تاک
وهک تامی تهماته له خورماو ڕۆنی ئاگرا
مهڕۆ گوڵم
مهڕۆ
به تهنهام لێرهدا
چ باک ؟
که تهرزه دائهکا له ژوورههکهم
که شێعره با ئهکا له ژێر ئاسمانی شین
له سهر دهستی خاوهنی زهمین
له باخهڵی ئهم دهفتهره سهوزهدا که خاک
ههتوانی سهوزه سهوزی وی نیه
مهڕۆ گوڵم
مهڕۆ
من ئاوام
له بهستێنی سهوزهجاڕی خهندهتا مهڕۆ
بێ تین و بێ تهکان
ماوه نهماوه بۆ سهربڕینی کات
که خهندهت ههناره به سهرداری گوێزهوه
مهڕۆ
تاوانی من نیه
سهگ دهبینم له پێدهشتی ئارهقا که من
مهست و مهلهنگه شێعر و وشهم
مهڕۆ
مهستم
قهڵهم خهیاڵی ساقیه ئهنگوست و دهست ئهبا به هیجرانی کاغهزا
مهڕۆ گوڵم
مهڕۆ
یا خهنده که جێما به شێداری شووشهوه
که بوو
مهڕۆ گوڵم مهڕۆ ....
یهک :
جاده بێ سهفهر چ بهتاڵه و
من له باوهشی ڕێدا چ بێ قهراری سهفهر
که تۆ ڕێی له کۆتایی چاوهڕێ .
دوو :
من و خهیاڵی ئاورێک له سهر ڕێ
که زستان
بهفره تا ههتهر دهکا چاو
که زستان
تا ههتا
چاو
تا ههتهر
دهکا ههتا .....
سێ :
فڕی مهلێک به سهر داری شێعرهوه
سهرداری شێعره ئهو مهلهی فڕی
من بێ ئهمهل چ دهکهم ؟
داره دارهمه!
ئهو بوو فڕی که به سهر داری شێعرهوه
چوار :
بێ قهرارم باران
بێ قهرار
هیچ پهنجێرهیێک له نیگاما شین نابێ
مهگری باران ...
بنوو
ئهم چاوه وهک سهراب تاسهباری کانیه
چی دهکهی له ڕێ ؟
که جاده بێ سهفهر چ خاڵیه ...
سڵاو هاوڕێم .
ئهم غهزهله و چهند غهزهلێکی دیکهم ههن که تهنیا و تهنیا
بۆ سیامهشق نوسراون وبهشێکن له ئهزموون و خۆ تاقیکردنهوه-
کانی من ، وهک کهسێک که بهر له ههموو شتێک یهکهم جار
شهیدای غهزهل بووم ، ئهو کاتهی هێشتا منداڵ بووم ، ڕهنگه
< ساڵانی 70 تا 72 ی ههتاوی > باوکم لهگهڵ خۆی دهیبردمه
دووکان و جار جار دیوانی حافز ی < که ئێستاش ههر ڕامگرتوه>
دهکردهوه و به دهنگی بهرز دهیخوێندهوه . نازانم بۆ پێم وایه
بۆ منی دهخوێندهوه ، ڕهنگه واش نهبووبێت ، بهڵام ههرچی بێت ،
ئێستا که گهورهتر بووم وا ههست دهکهم ڕهنگه تهنیا و تهنیا
یادهوهری شیرینی منداڵیم ئهو غهزهلانه بوه که باوکم بۆ من
یان ڕهنگه من وا ههست دهکهم که بۆ منی ، دهخوێندهوه .
نازانم ئهم ههموو فره وێژیهی بۆ چی بوو ، ڕهنگه تهنیا بۆ ئهوه
بوبێت که هاوبهش بن ... هیچ گوێ مهدهنێ ... تکایه وهیخوێنن و ....
سپاس
نهبوو مهیسوور بینینت دهمێکه
کهوا عومرم بهرهو نهخت و کهمێکه
له کردهی خۆم له مێژه دڵگرانم
پهپوولهی دڵ گرفتاری شهمێکه
نامۆیی خهریکه گڕمان ئهدات
من تهنیا به پێکهنینی تۆم دهوێرا
بمبووره وهرزی ههمیشه خهزان
مردوهکان
لێم زویر ئهبن
کاتژمێرهکهم
بیری ئهبهدییهتیان ئهخاتهوه .
تازه ئهبی بهمن
کاتێ که تاڵێ قژ
ئهگریته قاپ و
له ژووری خهو
چاوهڕێی
مهرگ ئهکهی .
ڕووداو ڕوو ئهدا
جا کاتژمێر 7:30 دهقیقه بێ
یان
دوایین شێعری ژیانم بهۆنمهوه .
ئهم ڕستهم
تایبهته به تۆ
که تا دێی
...
دادهنێی .
له چاومهوه
دهلاقهیهک وهکه
له جیاتی
ههرچی ئاسۆی نادیاری
شێعری منه
وێنهی
زهردهخهنهی خۆت
دابنێ .
